النهاردة اخويا جاب بنت وبقدرة قادر في نفس اليوم انا بقيت عمّة - سبحان الله- لسة مافيش في دماغنا اسماء ليها ,بس يارب ما يسموهاش اسماء ملعبكة ملهاش معنى
انا اكبر من بنت اخويا بـ20ـسنه ياااااه دة انا عجزت اوي
مش عيزاها تقولي (ياطنط ) انا مابحبش الكلمة دي , انا هخليها تقولي يا عَمّة هبة ,أما بقى لو طلعت رقيقة زي أمها وقالتلي يا أنتي هبة
aunt
مش عارفة ممكن أعمل فيها ايه هي وامها.
حتى الان لسة ماشفتهاش أصل انا عندي برد وخايفة اعديها
لكن خليكوا متوقعين اني هقول انها شبهي , ولو مش شبهي هتلكك عشان تبقي شبهي ,يعني مثلا هي مولودة يوم الاتنين وانا كمان ,و.......وهو في شبه اكتر من كدة
بس المشكلة الكبرى ان البنت دي مولودة يوم 11 سبتمبر
ربنا يستر
الخوف مش من بوش الخوف ان البنت تطلع ميولها تدميرية زي عمتها
